Qazaqstan Respýblıkasy Investısııalar jáne damý mınıstrliginiń buıryǵy  № 488

2015 jyl 24 sáýir, Astana qalasy Mindetti tele-radıoarnalardyń tizbesin qalyptastyrý boıynsha konkýrs ótkizý qaǵıdalaryn bekitý týraly «Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasynyń Zańy 7-baby 1-tarmaǵynyń 15) tarmaqshasyna sáıkes buıyramyn: 1. Qosa berilip otyrǵan Mindetti tele-, radıoarnalardyń tizbesin qalyptastyrý boıynsha konkýrs ótkizý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrligi Baılanys, aqparattandyrý jáne aqparat komıteti (S.S. Sarsenov): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin 10 jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıctrine júktelsin. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á. ISEKEShEV. Qazaqstan Respýblıkasy Investısııalar jáne damý mınıstriniń 2015 jylǵy 24 sáýirdegi № 488 buıryǵymen bekitilgen Mindetti tele-, radıoarnalardyń tizbesin qalyptastyrý boıynsha konkýrs ótkizý qaǵıdalary 1. Jalpy erejeler 1. Mindetti tele-, radıoarnalar tizbesin qalyptastyrý boıynsha konkýrs ótkizý qaǵıdalary (budan ári – Qaǵıdalar) «Teleradıo habarlaryn taratý týraly» 2012 jylǵy 18 qańtardaǵy Qazaqstan Respýblıkasy Zańynyń (budan ári – Zań) 7-baby 1-tarmaǵynyń 15) tarmaqshasyna sáıkes ázirlendi jáne Qazaqstan Respýblıkasynyń barlyq aýmaǵynda kóparnaly habar taratý arqyly taratylatyn mindetti tele-, radıoarnalardyń tizbesin qalyptastyrý boıynsha konkýrs (budan ári – konkýrs) ótkizý tártibin aıqyndaıdy. 2. Kóparnaly habar taratýda mindetti tele-, radıoarnalardyń tizbesin qalyptastyrý boıynsha konkýrsqa qatysýǵa úmitkerlerdiń (budan ári – úmitker) ótinimderin qaraý jáne jeńimpazdardy aıqyndaý jóninde usynymdar ázirleý Teleradıo habarlaryn taratýdy damytý máseleleri jónindegi komıssııa (budan ári – Komıssııa) júzege asyrady. 2. Konkýrsty ótkizý tártibi 3. Konkýrsty ótkizýdi uıymdastyrýshy Komıssııanyń jumys organy bolyp tabylatyn ýákiletti organ áreket etedi. 4. Zańynyń 7-baby 1-tarmaǵynyń 12-1) tarmaqshasyna sáıkes, ýákiletti organ Komıssııa usynymy boıynsha mindetti tele-, radıoarnalardyń tizbesin (budan ári – tizbe) bekitedi. 5. Tizbeni qalyptastyrý úsh jylda bir ret júzege asyrylady. 6. Konkýrsty ótkizý týraly sheshimdi ýákiletti organ qabyldaıdy. 7. Konkýrsty ótkizý týraly aqparattyq habarlama ol ótkiziletin kúnge deıin keminde kúntizbelik jıyrma kún buryn resmı buqaralyq aqparat quraldarynda jáne Qazaqstan Respýblıkasynyń Investısııalar jáne damý mınıstrliginiń www.mid.gov.kz ınternet-resýrsynda jarııalanady. 8. Aqparattyq habarlama mynadaı málimetterdi qamttıdy: 1) konkýrsty ótkizý ýaqyty, kúni jáne orny; 2) Mindetti tele-, radıoarnalardyń tizbesin qalyptastyrý boıynsha konkýrsqa qatysýǵa arnalǵan ótinimderdi (budan ári – ótinim) qabyldaý orny, ótinimderdi qabyldaýdyń bastalý jáne aıaqtalý merzimi men konkýrsqa qatysýǵa qajetti qujattardyń tizbesi; 9. Konkýrsqa qatysýǵa ótinimdi ýaqytyly ótinim bergen úmitkerlerge jol beriledi; 10.Úmitker bergen ótinim konkýrs ótkizý týraly aqparattyq habarlamada jarııalanǵan jáne osy Qaǵıdalarda belgilengen sharttarmen onyń konkýrsqa qatysýǵa nıetin bildiredi; 11. Konkýrsqa qatysýǵa úmitkerler osy Qaǵıdalardyń kez kelgen tarmaǵy boıynsha uıymdastyrýshyǵa qajetti túsinikteme úshin júginedi. 12. Tirkelgen ótinim keri qaıtarylyp alynǵan jaǵdaıda, úmitker uıymdastyrýshyǵa jazbasha túrde habarlama jiberedi. 13. Konkýrsqa qatysýǵa ótinim berýdi úmitkerdiń atynan qatysýǵa quqyq berýdi kýálandyratyn Qazaqstan Respýblıkasynyń Azamattyq kodeksina sáıkes resimdelgen senimhatty kórsetý arqyly úmitkerdiń ókili júzege asyrady. 14. Konkýrs ótkizý týraly aqparattyq habarlamada kórsetilgen ótinimderdi qabyldaý merzimi aıaqtalǵannan keıin qujattarǵa qosymsha birge kelip túsken jáne konkýrsqa qatysýǵa ótinimder qabyldanbaıdy. Sebepterin kórsete otyryp, ótinimdi qabyldaýdan bas tartý týraly belgini qujat qabyldaýdy júzege asyrǵan tulǵa usynylǵan ótinimge qoıady. 15. Uıymdastyrýshy úmitkerlerdiń usynǵan ótinimderi men olarǵa qosa tirkelgen qujattardyń, sondaı-aq ótinim bergen tulǵalar men olar usynǵan qujattardyń mazmuny týraly qupııalylyqtyń saqtalýyn qamtamasyz etý jóninde sharalar qabyldaıdy. 16. Úmitker konkýrsqa qatysý úshin osy Qaǵıdalarǵa 1-qosymshaǵa sáıkes nysany boıynsha ótinim beredi. 17. О́tinimge osy Qaǵıdalarǵa 2-qosymshaǵa sáıkes konkýrstyq usyfnystar qosa beriledi. 18. Osy Qaǵıdalarǵa 1 jáne 2-qosymshalarda kórsetilgen qujattar tigilgen, betteri nómirlengen jáne sońǵy beti onyń qolymen jáne mórimen (jeke tulǵa úshin, eger bolsa) kýálandyrylǵan túrde mór basylǵan konvertte uıymdastyrýshynyń mekenjaıyna usynylady. 19. Komıssııa Konkýrsty ótkizý týraly aqparattyq baǵdarlamada kórsetilgen merzimde jáne orynda, úmitkerler nemese olardyń ókilderiniń qatysýymen ótinimder men basqa qujattar salynǵan konvertterdi ashady. 20. Uıymdastyrýshy konvertterdi ashý hattamasyn bes jumys kúni ishinde jasaıdy. Konvertterdi ashý hattamasyna Komıssııanyń tóraǵasy, qatysyp otyrǵan músheleri jáne hatshysy qol qoıady. 21. Komıssııa usynylǵan ótinimder men basqa da qujattardy qarap, konvert ashylǵan kúnnen bastap on jumys kúninen aspaıtyn merzimde konkýrs qorytyndysyn shyǵarady. 22. Úmitkerdiń jáne /nemese/ onyń ýákiletti ókiliniń Komıssııa otyrystaryna qatyspaýy sebebinen konkýrstyq ótinimdi qaıtarýǵa jol berilmeıdi. 23. Konkýrs boıynsha sheshimder ashyq daýys berý arqyly qabyldanady jáne qatysqan Komıssııa músheleriniń jalpy sanynan kópshilik daýys bergende qabyldanatyn bolyp esepteledi. Daýystar teń bolǵan jaǵdaıda tóraǵalyq etýshiniń daýsy sheshýshi bolyp esepteledi. Komıssııa sheshim qabyldaıtyn kezde Hatshynyń daýys berýge quqyǵy joq. 24. Jeńimpazdardy anyqtaýda baǵdarlamalardyń áleýmettik mańyzy, habar taratý torynda mádenı, ǵylymı-bilim berý, tanymdyq-aǵartý, jastar men balalarǵa arnalǵan tele-, radıobaǵdarlamalardyń bolýy, respýblıkanyń áleýmettik-ekonomıkalyq damýy salasyndaǵy memlekettik saıasatty jarııalaý irikteý krıterııleri bolyp tabylady. Sondaı-aq taqyryptyq baǵyttaǵy jáne janrlyq araqatynasy, jeke tele-, radıobaǵdarlamalar, satyp alynatyn tele-, radıobaǵdarlamalar men retranslıasııa kólemi, memlekettik tilde habar taratý kólemi, orta táýliktik habar taratý ýaqyty, kadrlyq áleýeti irikteý krıterııleri bolyp tabylady. 25. Konkýrs qorytyndysy Komıssııa tóraǵasy men músheleri qol qoıǵan hattamamen resimdeledi. Konkýrs qorytyndylary týraly aqparattyq habarlama eki jumys kúni ishinde Qazaqstan Respýblıkasy Investısııalar jáne damý mınıstrliginiń www.mid.gov.kz ınternet-resýrsynda jarııalanady. Mindetti tele-, radıoarnalardyń tizbesin qalyptastyrý boıynsha konkýrs ótkizý qaǵıdalaryna 1-qosymsha Nysan Teleradıo habarlaryn taratýdy damytý máseleleri jónindegi komıssııanyń tóraǵasyna Mindetti tele-, radıoarnalardyń tizbesin qalyptastyrý boıynsha konkýrsqa qatysýǵa arnalǵan ótinim Jalpy málimetter: 1. Zańdy tulǵanyń tolyq ataýy /jeke tulǵanyń T.A.Á.A.. _____________________________________________________________ 2. Zańdy mekenjaıy: _____________________________________________________________ 3. Telefondardyń, faksterdiń nómirleri: _____________________________________________________________ 4. Tele-, radıoarnanyń ataýy: _____________________________________________________________ 5. Taqyryptyq baǵyty: _____________________________________________________________ 6. Taratylý aýmaǵy: _____________________________________________________________ birinshi basshynyń/dara kásipkerdiń qoly M.O. 20__ j. «__» ____________ Mindetti tele-, radıoarnalardyń tizbesin qalyptastyrý boıynsha konkýrs ótkizý qaǵıdalaryna 2-qosymsha Úmitkerlerdiń konkýrstyq usynystary Úmitkerlerdiń konkýrstyq usynystary myna bólimderden turýy tıis: Shyǵarmashylyq usynystar Úmitker mynalardy usynady: 1) tele-, radıoarnanyń habar taratý toryn (kelesi aıǵa); 2) mynadaı málimetterdi qamtıtyn aqparatty: tele-, radıoarnanyń taqyryptyq baǵyty jáne olardyń janrlyq araqatynasy (aqparattyq, taldamalyq, pýblısıstıkalyq, jastarǵa jáne balalarǵa arnalǵan, mýzykalyq tele-, radıo baǵdarlamalar jáne kórkem, derekti fılmder); habar taratýdyń tildik araqatynasy, memlekettik tildegi tele-, radıobaǵdarlamalardyń kórsetilý ýaqyty; óz tele-, radıobaǵdarlamalary, satyp alynatyn tele-, radıobaǵdarlamalar men retranslıasııalarynyń araqatynasy; orta táýliktik habar taratý ýaqyty; sandyq mánde shyǵarmashylyq jáne tehnıkalyq qyzmetkerlerdiń qadrlyq áleýeti. Tehnıkalyq usynystar Úmitker mynalardy usynady: 1) tele-, radıobaǵdarlamalar óndirisiniń stasıonarlyq stýdııalyq jabdyqtarynyń bolýy, jaǵdaıy jáne onyń tıpi týraly aqparat; 2) apparattyq-stýdııalyq keshenniń tehnıkalyq sıpattamalary; 3) efırge shyǵarylatyn tele-, radıobaǵdarlamalardyń dybys jáne kórsetý sapasyn joǵary deńgeıde berý jónindegi mindetteme; 4) stýdııalyq keshenniń ornalasqan jeri, tele-, radıoarnany teleradıo habarlaryn taratý operatorlaryna deıin berý tásili týraly aqparat. Qarjylyq usynystar Tólem qabilettiligin rastaıtyn qujattar: 1) anyqtama berilgen kúnniń aldyndaǵy úsh aıdan astam bank nemese bank fılıaly aldynda tólem merzimi ótken beresheginiń bolmaýy týraly qol qoıylǵan jáne mór basylǵan bank nemese bank fılıaly anyqtamasynyń túpnusqasy; 2) birinshi basshy nemese ony almastyratyn tulǵa qol qoıǵan sońǵy qarjy jylyna arnalǵan býhgalterlik balanstyń túpnusqasy nemese notarıaldy kýálandyrylǵan kóshirmesi; 3) tehnıkalyq qyzmet kórsetýge, shtatty ustaýǵa jáne basqa da kapıtaldyq salymdardyń jalpy shyǵyndary týraly málimet. Úmitker óziniń pikirinshe konkýrstyń máni boıynsha, Komıssııanyń konkýrstyq usynystardy barynsha obektıvti baǵalaýyna múmkindik beretin kez kelgen málimetterdi qamtıtyn qosymsha qujattardy usynýǵa quqyly. Buıryq Qazaqstan Respýblıkasynyń Ádilet mınıstrliginde 2015 jylǵy 04 maýsymdaǵy Normatıvtik quqyqtyq kesimderdi memlekettik tirkeýdiń tizilimine № 11271 bolyp engizildi.